Татарстанда бер тәүлектә коронавирус белән зарарлануның 45 яңа очрагы ачыкланган

Татарстанда соңгы тәүлектә Covid-19ның 45 яңа очрагы расланган. Бу хакта «Татар-информ» мәгълүмат агентлыгына коронавирус буенча оператив штаб хәбәр итә.

Инфекция йоктырган 13 кеше хастаханәгә озатылган, калган 32 кеше өендә дәвалана.

Авыручыларның күбесе Казанда – 24 кеше. Яр Чаллы шәһәрендә - 5, Чүпрәледә – 4, Аксубай һәм Биектауда – 2шәр, Арча, Әтнә, Буа, Алабуга, Саба, Тукай районнарында - берәр.

Татарстанда бүгенге көнгә кадәр барлыгы Covid-19ның 3868 очрагы расланган.

фото: «Татар-информ»

«Кукмор Татарстан» Telegram-каналга язылыгыз