Зур Сәрдек гимназиясе каршында бәйрәм-митинг узды (+ФОТО)

Зур Сәрдек гимназиясе каршысында Бөек Җиңүнең 70 еллыгына багышланган бәйрәм-митинг уздырылды. Кунак булып килгән ветераннарыбыз каршында үзешчәннәребез һәм укучылар концерт куйдылар. Яр Чаллы шәһәрендә яшәүче якташларыбыз Маһинур апа һәм Габделхай абый Сәмигуллиннар өч сугыш ветераны булган әтиләре Сөнгать ага Йөзмиев турында мәктәп музеена махсус альбом эшләтеп алып кайтканнар. Альбомны һәм ветеранның сәгатен гимназия музеена бүләк иттеләр. Ветераннар өчен бәйрәм табыны корылды. Табын артында яңгыраган бик күп истәллекләр - үзе бер китап язарлык. Вахит абый Шәмсетдинов, Әхәт ага Вәлиевларның сугыш турындагы хатирәләре гыйбрәтле дә, кызыклы да. Тере тарих булып янәшәбездә яшәгән ветераннарыбызга озын гомер телибез.

Рәмзия ХӨСӘЕНОВА хәбәре һәм фотолары