Ятмас Дусайда көрәш һәм җыр бәйгеләре үтте

Ятмас-Дусай авылында быел 12нче тапкыр милли традицияләрне саклау, яшь талантларны барлау максатыннан танылган көрәшче Гәрәй батыр һәм күренекле баянчы, җырчы Заһретдин Фәхретдинов исемнәрендәге бәйгеләр үтте. Ел саен бәйгеләрнең оештыручылары булып Ятмас-Дусайдан чыккан күренекле кешеләр һәм Гәрәй Батырның улы, инде 50 еллап Саба районы Югары Утар балалар йорты җитәкчесе булып эшләүче Имаметдин Гәрәев тора. Бәйгеләр соңында авыл мәдәният йортында Фердинанд Сәләхов, Динә һәм Рафаэль Латыйповлар, Алсу Хәбибуллина, Илназ Минвәлиев, Азалия, Хәмдүнә Тимергалиева, Илһам Шәрип һәм Руслан Хәсәновлар катнашында бушлай зур концерт оештырылды.