“Тылсым” Сабан туе быел 16нчы тапкыр оештырылды

"Тылсым" халыкка социаль хезмәт күрсәтү үзәгендә Сабантуй бәйрәме быел 16нчы тапкыр уздырылды. Бәйрәмгә хәзерлек эшләре иртәдән үк башланды. "Баламишкин" тальянчылар ансамбленең моңлы тавышы тирә-юньгә таралып, һәркемне Сабантуйга дәште. Бәйрәмгә килүчеләрне "Тылсым" директоры Әлфир Гыйниятов, район социаль яклау идарәсе җитәкчесе Лилия Каюмова, ветераннар советы рәисе Мияссәр Мансуров, район инвалидлар оешмасы җитәкчесе Равил Нигъмәтҗановлар тәбрикләде. Милли уеннарда катнашучыларга истәлек бүләкләре тапшырылды. Бәйрәм җыр-биюләр белән үрелеп барды.