“Сәләт” IV Халыкара яшьләр уку-укыту форумы уздырыла

7-12 июль көннәрендә Алексеевск районында урнашкан "Биләр" тарихи-археологик музей-тыюлыгы территориясендә "Сәләт" IV халыкара яшьләр уку-укыту форумы уздырыла. Анда фән олимпиадаларында, төрле иҗади конкурсларда, спорт ярышларында катнашып уңышка ирешкән 12-17 яшьләрдәге 5 меңгә якын сәлкеш (сәләтле кеше аларда шулай йөртелә - ред.) катнашыр дип көтелә.
Уку-укыту программасы кысаларында төрле юнәлештәге мастер-класслар, тренинглар оештыру, күренекле галимнәр, мәдәният һәм сәнгать әһелләре белән кызыклы очрашулар уздыру каралган.
Быел да форумга ТРның югары җитәкчелеге килүе көтелә, дип хәбәр итә http://mon.tatarstan.ru сайты.

фото: http://yandex.ru/clck/jsredir?from=yandex.ru%3Bimages%2Fsearch%3Bweb%3B%3B&text=&etext=740.yE48VkwIWfkT2N1_wDsnlKMj7-