Самолетта булган "төп пассажир"ның да гәүдәсе табылган

31 октябрьдә, Шарм-эш-Шейхтан очып китеп, Синай ярымутравында һәлакәткә очраган Airbus A-321 самолетының иң кечкенә пассажирының да үле гәүдәсе табылган.

Дарина Громовага 10 ай гына булган. Ул Мисырга әти-әнисе - Татьяна һәм Алексей Громовлар белән барган. Бортта иң кечкенә бала булганлыктан, әнисе аны "главный пассажир", дип атаган. Ул кызның фотосын "Instagram"га урнаштырып, шулай, дип язып куйган.

Әбисенең Даринаны һич кенә дә Мисырга җибәрәсе килмәгән, әти-әнисе ял иткән арада үзе карап торырга да тәкъдим итеп караган. Кызганыч, әти-әнисе ризалашмаган...

Инде хәбәр ителгәнчә, 144 пассажирның үле гәүдәсе Санкт-Петербургка кайтарылды инде.

http://intertat.ru