Район Мәдәният йортында эшмәкәрләр өчен "Бизнес-десант" укыту семинары узачак

Татарстан Республикасының Икътисад министрлыгы 4 декабрьдә 11.00 сәгатьтә район Мәдәният йортында эшмәкәрләр өчен "Бизнес-десант" укыту семинарлары үткәрә. Семинарда катнашучыларга бушлай әзер бизнес-идеяләр, кыска гына вакыт эчендә бизнесның яңа юнәлешен эшләтеп җибәрергә ярдәм итәчәк әзер документлар, республикабызда кече һәм урта бизнесны яклауның формалары һәм инфраструктурасы, "Эшмәкәрлек фабрикасы" проекты һәм базарга чыгу юлы турындагы ("Ваш доступ к рынку") портал тәкъдим ителәчәк.Моннан тыш тәҗрибәле бизнес-тренерлар чыгыш ясап, кризис шартларында маркетингның серләре, тендер законнары һәм салымнар салуның нечкәлекләре турында сөйләячәкләр.