Пенсия алучыларга өлкән кешене тәрбияләгән өчен компенсация түләнми

Сорау-җавап

-Минем әниемә 80 яшь. Аны тәрбияләгән өчен компенсация буларак, миңа 1200 сум акча түләнергә тиеш дип беләм. Ә миңа аны, син пенсия аласың, дип бирмиләр. Бу законга сыямы?

-Бу компенсация бары эшкә яраклы, әмма ни сәбәпледер эшләмәгән өлкән яшьтәге кешене тәрбияләү белән мәшгуль кешеләргә түләнә.

Сез күпмедер күләмдә хезмәт хакы яки пенсия аласыз икән, компенсация тиеш булмый. Бу РФ Хөкүмәтенең 2007 елның 4 июнендә чыккан 343нчы санлы карарында регламентланган.

Әлфинур САБИТОВА, РФ Пенсия фондының район идарәсе җитәкчесе

фото: http://www.mediakrug.ru/pensioner/magazines/articles/15092