Новгород өлкәсенең Үлем Үзәненә экспедициягә киткән егетләрдән сөенечле хәбәрләр бар (+ФОТО)

Олыяз урта мәктәбенең Гомәр Хаҗиев җитәкчелегендәге "Хәтер", Кукмара аграр көллиятенең Ринат Шакиров җитәкчелегендәге "Кар десанты" төркемнәренең Новгород өлкәсенең Үлем Үзәненә экспедициягә китүләре хакында хәбәр иткән идек инде.

Шушы көннәрдә экспедициянең бер вәкиле - Әмир Гыймадиевтан хәбәр килеп иреште. Ул түбәндәгеләрне язган һәм фотолар да юллаган:

-Без 29 апрельдә Новгород өлкәсенең Мясной Бор авылы янындагы Үлем Үзәненә килеп урнаштык. Ике көн эшләү дәверендә ике Совет солдатының сөякләрен җыеп алдык. Һава торышы әйбәт. Егетләр үзләрен яхшы хис итәләр, эшләргә теләкләре зурдан. 3 май көнне, 70 елдан соң, Совет солдатының кабере билгеле булды. Илсаф Кәримуллин тапкан солдатның медальоны да бар иде.