Кукмаралылар Яр Чаллыда үткән конкурс-фестивальдә катнашты

Кукмара балалар сәнгать мәктәбе укучылары "Без бергә" Халыкара проекты кысаларында Яр Чаллы шәһәрендә үткән конкурс-фестивальдә катнаштылар. "Нәфис сүз" номинациясенең кече яшь категориясендә Ислам Шәйдуллин - беренче, Әнвәр Хәсәнов - икенче, Кира Петровалар өченче дәрәҗә лауреатлар булдылар. Уртанчы яшь категориясендә Зөлфәт Юскаев - икенче дәрәҗә лауреат, Камилә Шәрифҗанова һәм Руслан Константиновлар дуэты беренче дәрәҗә дипломант исемнәре белән кайттылар. Балаларны Регина Вәккасова әзерләде. "Инструменталь башкару" номинациясендә Эльвина Кәримова (җитәкчесе Д.Бариева) өченче дәрәҗә лауреат булды. Котлыйбыз!