Кукмаралылар бал Спасын бәйрәм итә

Бүген, 14 августта, бал Спасы зурлап билгеләп үтелә. Элек-электән бу көннән бал җыюга керешкәннәр, аны изгеләндереп сыйланганнар. Бәйрәмгә бал кушылган прәннекләр, мәкле һәм баллы беленнәр, башка камыр ризыклары пешергәннәр. Беренче Спастан җәйне озату башланган, карлыгачларның һәм керәшәләрнең җылы якка очып китүләре күзәтелгән. Быел исә җәй әле үзенең хокукларын бирергә ашыкмый, утыз градустан арткан эсселек тора. Умартачылар яңа балны да инде байтактан саталар. Өч литрлы банкадагысының бәясе 1200 сумнан башлана.

фото: http://tagll.com/user/169/Alla-Bertash/page-8/