Кукмарада юл йөрү кагыйдәсен үтәмәгән 18 балага кисәтү карточкасы төзелгән

Балигъ булмаганнар арасында юл-транспорт фаҗигаләрен кисәтү максатыннан уздырылучы "Игътибар - балалар!" акциясе төгәлләнде. Акция кысаларында полициянең ЮХИДИ, балигъ булмаганнар белән эшләү бүлекчәсе хезмәткәрләре, рейдларга чыгып, юл йөрү кагыйдәләрен үтәмәүче балаларны ачыкладылар, ата-аналар җыелышларында катнаштылар, балалар белән юлларда, транспортта үз-үзеңне тотуга юнәлдерелгән конкурс-викториналар уздырдылар. Автомобилен махсус балалар утыргычы белән җиһазландырмаган - 4, иминлек каешы куймаган - 7, җәяүлеләргә юл бирмәгән 14 машина йөртүче штрафка тартылды. Юл йөрү кагыйдәләрен санга сукмаучы 18 балага кисәтү карточкасы төзелде. Бу хакта ЮХИДИ начальнигы Фирдүс Фәхретдинов хәбәр итте.

Тиешле тизлекне саклау, кечкенә пассажирларга карата игътибарлылыкны тагын да арттыру - һәркемнең бурычы булырга тиеш.

фото: http://images.yandex.ru/yandsearch?source=wiz&fp=0&img_url=http%3A%2F%2Fimg.nr2.ru%2Fpict%2Farts1%2F41%2F26%2F412688.jpg&text=%D0%BF%D1%80%D0%B0%D0%B2%D0%BE%D0%BD%D0%B0%D1%80%D1%83%D1%88%D0%B5%D0%BD%D0%B8%D0%B5%20%D0%B4%D0%B5%D1%82%D0%B5%D0%B9%20%