Кукмарада "Урам бәйрәме" узды (+фото)

Кукмара поселогының Таҗи Гыйззәт урамында урам бәйрәме үткәрелгән. Әлеге чара 4нче мәктәп укытучысы Гөлнара Мөхәммәдъярова һәм шул урамда яшәүче Габделнур Әхмәдуллиннар тәкъдиме буенча оештырылган. Аның максаты - борынгы йолаларны торгызу һәм яшь буынга җиткерү. Бәйрәмгә килүче бар халыкны кызартылган йомырка, тәм-томнар, карга боткасы һәм кайнар чәй белән сыйлаганнар. Бәйрәм җыр-бию, тальян моңы белән үрелеп барган. Бу көнне шулай ук Бөек Ватан сугышында һәлак булучылар, урам барлыкка килгәннән бүгенгәчә биредә яшәп, әрвах булучылар да искә алынган. Бу хакта безгә "Хезмәт даны" газетасының актив хәбәрчесе Рафилә Фәттахова хәбәр итте.