Кукмарада өлкәннәр, Аллаһтан яңгыр сорап, дога кылдылар (+фото)

Эсселек, корылык авыл хуҗалыгы хезмәткәрләрен генә түгел, барча халыкны хафага салды. Көн дә күккә карап яңгыр көтүнең файдасы булмагач, район ветераннар оешмасы җитәкчесе Мияссәр Мансуров тәкъдиме белән бер төркем өлкәннәр, ата-бабаларыбызның борын-борыннан килгән йоласын кабатларга ният кылганнар. "Әсәнбаш" агрофирмасы басуларына барып, анда игеннәрнең, кукуруз культурасының торышы белән танышканнан соң, Пычак авылы чишмәсенең салкын суыннан авыз иткән алар. Аннары Аллаһы Тәгаләдән яңгыр җибәрүен сорап, намаз укыганнар. Бу изге гамәлгә агрофирма һәм башлангыч ветераннар оешмасы җитәкчеләре, авыл имамы да кушылган.