Кукмарада җир тетрәмәде

Татарстанның кайбер шәһәр һәм районнарында яшәүчеләр бүген җир асты селкенүен тоеп, республиканың Гражданнар оборонасы эшләре, гадәттән тыш хәлләр һәм бәла-каза нәтиҗәләрен бетерү министрлыгының дежур частенә хәбәр иткән. Сейсмологлар бу фактны расламасалар да, Кукмара халкы борчуда. Кемгә генә мөрәҗәгать итсәң дә:

-Җир селкенүен Казан, Яр Чаллы халкы сизгән икән. Бездә дә була күрмәсен, - дип сөйлиләр.

-Әмма хафаланырга урын юк. Кукмарада җир селкенү белән бәйле бернинди дә хәбәр кермәде, - ди янгынга каршы Федераль хезмәтенең ТР буенча 117нче янгын сүндерү часте җитәкчесе Мансур Рәхмәтуллин.

Шунысын искәртәбез, моңарчы Кукмарада җир тетрәгәне юк иде, алга таба да булмас, дип ышанабыз.

фото: http://www.region-07.ru/labels/mchs-rossii