"Хезмәт даны"на эш визиты белән мөхтәрәм кунаклар килде

Кукмарага эш визиты белән матбугат һәм массакүләм коммуникацияләр буенча Республика агентлыгы җитәкчесе Ирек Миннәхмәтов һәм "Татмедиа" җәмгыятенең генераль директоры Рөстәм Бикмөхәммәтов килде. Башкала кунаклары район башлыгы Рауил Рәхмәтуллин белән очраштылар, районыбыз газетасының эшчәнлеген камилләштерү, район җитәкчелеге белән "Хезмәт даны" газетасы редакциясе арасындагы элемтәне ныгыту, заманча технологияләр хакында сөйләштеләр, киләчәктә районда телевидение булдыру мәсьәләсенә тукталдылар.

Кунаклар редакциядә булып, матди-техник база белән таныштылар, эш кабинетларында хезмәткәрләр белән әңгәмә кордылар, матбугат чараларына кагылышлы проблемаларга тукталдылар.