23 май – Бөтендөнья ташбака көне

Календарьны карасаң, анда нинди генә бәйрәм, нинди генә истәлекле датага юлыкмыйсың?! 23 май - григориан календаренең 143нче көне. 2013 ел төгәлләнергә 222 көн калып бара.

Ә менә 23 майда Әзербайжанда - Экология һәм табигый ресурслар Министрлыгы хезмәткәрләре көнен, Грузиядә - Изге Апостол, Таджикстанда - Яшьләр көнен, ә Ямайкада Хезмәт көнен билгеләп үтәләр.

Шулай ук 23 май - Бөтендөнья ташбака көне дә икән. Әлеге гадәти булмаган бәйрәм Американың ташбакаларны коткару җәмгыяте инициативасы белән 2000 елдан үткәрелә башлый. Бу көнне ташбакалар булган һәр җирдә аларны саклауга юнәлдерелгән махсус акцияләр уздырыла. Бәйрәмдә маскарад костюмнары киеп биюләр оештырыла, ташбака рәсемнәре төшерелгән открыткалар таратыла.

фото: http://parnasse.ru