21 ноябрьдә Салым органнары хезмәткәрләре үзләренең һөнәри бәйрәмнәрен билгеләп үтәләр

Өстәвенә быел юбилейлары: илебездә Федераль салым хезмәте оешканга 25 ел.Үзгәртеп корулар нәтиҗәсендә хәзер Россиянең Татарстан Республикасы буенча 10нчы районара салым хезмәте алты районны - Саба, Кукмара, Теләче, Балтач, Мамадыш һәм Балык Бистәсе районнарын берләштерә. Бу өлкәдә райондашларыбыз Әлфия Велиева, Венера Голова, Вәсилә Хәләпова салым хезмәте оешкан көннән -25 ел фидакарь хезмәт куялар. Гөлнара Исмәгыйлева, Гөлназ Сәлимова, Ләйсән Гыйльметдинова, Миләүшә Сафина, Альбина Закироваларның эш стажлары 20 елдан артык. Алар үзләренең тырышлыгы белән салым түләүчеләр өчен барлык шартларны булдырырга омтылалар.

Быелның 10 аенда районыбызның җирле бюджетына 275 миллион сум күләмендә салымнар һәм җыемнар кергән, бу үткән 2014 ел белән чагыштырганда 24 миллион сумга күбрәк.