Хезмәт даны
  • Рус Тат
  • Кукмарада «Автоледи-2021»титулына ия булучыны ачыкладылар

    Конкурста автомобиль йөртүче ун гүзәл зат катнашты.

    Кукмарада автомобиль йөртүче хатын-кызлар арасында «Автоледи-2021» республика конкурсының район этабы узды. Бу турыда Кукмара районы ЮХИДИ бүлегендә хәбәр иттеләр.

    Конкурста 10 автоледи катнашты. Алар барысы да шәхси автомобильләрдә ярышты.

    Бәйге ике этапта үткәрелде: компьютерда юл йөрү кагыйдәләрен белү һәм автодромда автомобиль йөртү осталыгын күрсәтү.

    Реклама

    Конкурс нәтиҗәләре буенча «Автоледи-2021» титулына Гөлнар Әшрәпова ия булды. Аңа 11 августта Казанда узачак республика конкурсында район данын якларга туры киләчәк. Икенче урында - Ләйсән Нәҗметдинова, өченчедә - Гүзәл Фатыйхова.

    «Юл йөрү кагыйдәләрен белү» номинациясендә Луиза Галимҗанова җиңү яулады, ә «Автомобильне фигуралы йөртү» номинациясендә Әлфия Муллыевага тиңнәр булмады. Җиңүчеләргә кыйммәтле бүләкләр тапшырылды.

    Фото: Кукмара районы ЮХИДИ бүлеге

    «Кукмор Татарстан» Telegram-каналга язылыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: