Татарстанда соңгы тәүлектә 20 кеше коронавирус диагнозы белән хастаханәгә салынган

Инфекция йоктырган 20 кеше хастаханәгә озатылган, калган 13 кеше өендә дәвалана. 2 очрак - читтән кертелгән, ә калганнары - элемтә нәтиҗәсендә. Бу хакта «Татар-информ» мәгълүмат агентлыгына коронавирус буенча оператив штаб хәбәр итә.
Авыручыларның күбесе Казан шәһәрендә – 18, Яр Чаллы, Арча, Югары Ослан, Тукай районнарында – икешәр, Бөгелмә, Биектау, Алабуга, Лаеш, Түбән Кама, Питрәч, Сарман районнарында - берәр очрак.
18 яшькә кадәр – 2, 18-30 яшь арасында – 2, 30-50 арасында – 11, 50-60 арасында – 8, 60-70 арасында – 6, 70-80 арасында 4 кешедә табиблар COVID-19 тапкан.
Татарстанда бу бөтен вакыт эчендә 5469 Covid-19 очрагы теркәлгән, 4324 кеше терелгән.

Фото: ИА «Татар-информ»