Хезмәт даны
  • Рус Тат
  • Район башлыгы Рауил Рәхмәтуллин Яңа ел белән котлады

    Хөрмәтле райондашлар, кунаклар! Тарих битләренә Бөтендөнья җәйге Универсиада елы булып кереп калучы 2013 елга нәтиҗә ясап, киләчәк турында уйланыр, яңа планнар корыр чак җитте. Һәрберебез тормышында ниндидер үзгәрешләр, бәхет-сөенечләр, ә кем өчендер борчу-көенечләр белән узды ул. Ә район буенча башкарылган эш-гамәлләребезгә йомгак ясасак, кукмаралылар һәр тармакта иҗади һәм җитештерүчән хезмәт...

    Хөрмәтле райондашлар, кунаклар!

    Тарих битләренә Бөтендөнья җәйге Универсиада елы булып кереп калучы 2013 елга нәтиҗә ясап, киләчәк турында уйланыр, яңа планнар корыр чак җитте. Һәрберебез тормышында ниндидер үзгәрешләр, бәхет-сөенечләр, ә кем өчендер борчу-көенечләр белән узды ул. Ә район буенча башкарылган эш-гамәлләребезгә йомгак ясасак, кукмаралылар һәр тармакта иҗади һәм җитештерүчән хезмәт белән шөгыльләнеп, кабат үзләренең тырыш, булдыклы, һөнәрле булуын расладылар. Шуның нәтиҗәсе буларак, күпфатирлы һәм йөзләгән шәхси йортлар, социаль-көнкүреш объектлары сафка басты, булганнарына капиталь ремонт үткәрелде, юллар төзелде, кибетләр һәм халыкка хезмәт күрсәтү нокталары ачылды. Тиз һәм сыйфатлы, заман таләпләренә җавап бирә торган итеп төзергә өйрәндек. Эшмәкәрлек белән шөгыльләнүчеләр сафы ишәйде. Бу халыкның тормыш-көнкүреш дәрәҗәсе яхшыра баруы, районыбызның уңай үзгәрешләргә юл тотуы хакында сөйли. Авыл халкы, катлаулы табигать шартларына карамастан, игенчелек һәм терлекчелек продукцияләре җитештерү, ил табынын баетуны дәвам итә. Мәгариф, мәдәният, сәламәтлек саклау һәм башка тармакларда да күркәм уңышларыбыз бар. Спортчыларыбыз район данын республика, ил күләмендә югары тоталар. Күпме чемпионнарыбыз, спорт мастерларыбыз бар, алар яшь спортчылар тәрбияләүгә дә үзләреннән лаеклы өлеш кертәләр.

    Бездән киләчәктә дә элеккеге традицияләребезгә таянып һәм булган проблемаларны, кимчелекләрне күреп, өйрәнеп, аларны хәл итү өчен кулга-кул тотынып эшләү таләп ителә. Тотрыклы, имин тормышның нигезе - барлык милләтләр һәм диннәр арасында үзара дуслык һәм татулык мөнәсәбәтләренең саклануында. Безгә моның кадерен белеп яшәргә кирәк. Илдә барган үзгәрешләр һәр гаиләгә җиңеллек китерсен, матди хәлен яхшыртсын, рухи кыйбласын ныгытсын иде.

    Кадерле райондашлар!

    Яңа ел - өметләр бәйрәме дә әле ул. Бәйрәм кичендәге изге теләкләрегез тормышка ашсын, яңа 2014 ел сезгә тынычлык, гаилә иминлеге, хезмәттә яңа казанышлар, рухи күтәренкелек алып килсен!

    Барыгызны да якынлашып килүче Яңа ел белән котлап, ихлас күңелдән сәламәтлек, муллык, шәхси бәхет телим.

    фото: http://tochek.net/index.php?showtopic=40728&st=10

    Нравится
    Поделиться:
    Реклама
    Комментарии (0)
    Реклама
    • 21 апрель 2018 - 00:10
      Күрше әби киңәшләре Файдалы киңәшләр
      77
      0
      1
    • 18 апрель 2018 - 09:58
      Газлы сулардан сак булыгыз! Аларны күп кулланучы кешеләрдә шикәр авыруы килеп чыгу ихтимал.
      146
      0
      0
    • 16 апрель 2018 - 10:55
      Кызыл ит күп ашарга ярамый Рационда кызыл итне кулланмый башлау ашказаны яман шеше белән авыру хәвефен күпкә киметә. Күптән түгел Британия галимнәре тикшеренүләр үткәргән һәм шундый фикергә килгән.
      303
      0
      0
    • 19 апрель 2018 - 09:48
      Ике сәгать көткәч, балаларның җыр-биюгә теләкләре дә калмады Күптән түгел мәктәпкәчә яшьтәге балалар катнашында ижади концерт оештырылды.
      349
      0
      2
    • 18 апрель 2018 - 15:06
      Мәгънәсез сүз сөйләшмик Ничә яшьтә дә әни бик кадерле, аны бер дә югалтасы килми. Аллаһы Тәгалә күпме гомер биргән бит: кемдер балачакта ук, кемдер урта яшьләрдә вафат була, кемдер бу дөньядан тирән картлыгын кичергәч кенә китеп бара.
      216
      0
      1
    • 13 апрель 2018 - 12:51
      Якташларым белән горурланам Райондашларым кайсы гына тармакта хезмәт куйсалар да, үз эшләрен җиренә җиткереп башкаралар
      201
      0
      1
    • 12 апрель 2018 - 11:28
      Хаксызга кеше рәнҗетмик Үзара салым хисабына авылларда күпме эшләр башкарылганы һәркемнең күз алдында. Динебез кешегә нахак сүз әйтергә кушмый, азрак сабыр булсак, сүзебезне үлчәп сөйләсәк иде
      299
      0
      1
    • Кукмарада прокуратура һәм гадәттән тыш хәлләр оешмалары тикшерүгә чыкты
    • Кукмарада балалар командалары арасында хоккей буенча төбәкара ярышларның ачылу тантанасы
    • “Үрәсбаш” ярдәмче хуҗалыгында семинар булды
    • Кукмара районында үткән халык җыеннарында Римма Ратникова катнашты
    • Кукмара хоккееның 50 еллыгы уңаеннан шайбалы хоккей буенча турнир
    Ночной режим