Хезмәт даны
  • Рус Тат
  • Кукмаралылар ГТО буенча республика данын яклап, Сочига барачаклар

    Алда торган зур бәйгедә бар көчебезне туплап тырышырбыз, диде безгә Эльвира ханым

    Шушы көннәрдә Казанда “Хезмәткә һәм оборонага әзер” (ГТО) Бөтенроссия физкультура-спорт комплексы фестиваленең гаилә командалары арасындагы II этабы үтте. Бу бәйгедә Кукмарадан Ивановлар командасы: гаилә башлыгы Виталий, тормыш иптәше Эльвира, әниләре Людмила Ильинична, 4нче урта мәктәптә укучы кызлары Екатерина көч сынашты. Гомуми зачетта һәм эстафетада җиңү яулап, алар 1 урынга лаек булдылар. Апрель азагында бу гаилә командасы, республика данын яклап, Сочида россиякүләм бәйгедә катнашачак, дип хәбәр итте “Хезмәткә һәм оборонага әзер” үзәге җитәкчесе Руслан Габдрахманов.

    Реклама

    - Безгә бик көчле командалар белән ярышырга туры килде. Кукмара данын яклап җиңүебез белән горурланабыз. Безне котлаучыларга рәхмәтебез зур. Алда торган зур бәйгедә дә бар көчебезне туплап тырышырбыз, - диде безгә Эльвира ханым.

     

    Нравится
    Поделиться:
    Реклама
    Комментарии (0)
    Осталось символов: