Хезмәт даны
  • Рус Тат
  • Кукмара халкы сайлау участокларының санитар таләпләргә туры килүен билгеләп үтә

    РФ Конституциясенә төзәтмәләр буенча тавыш бирү 1 июльгә кадәр дәвам итәчәк.

    Коронавирус пандемиясе шартларында РФ Конституциясенә төзәтмәләр кертү буенча гомумроссия тавыш бирү участокларында санитар куркынычсызлык чараларын тәэмин итүгә аерым игътибар бирелә.

    «Ромашка» балалар бакчасында урнашкан сайлау участогында тавыш биргән кукмаралы Илгиз Шакиров участокның эпидемиология куркынычсызлыгы таләпләренә җавап бирүен билгеләп үтте.

    «Россия Конституциясенә үзгәрешләр кертү өчен тавыш бирүгә 25 июньдә үк бардым. Барлык санитар таләпләр дә үтәлде: битлек, перчатка кидем, авторучканы комиссия вәкилләре бирде. Алдан тавыш бирү оештырылгач, кеше дә күп түгел иде», - диде Илгиз Шакиров.

    Ул Конституциягә төзәтмәләр кертүне хуплап, үзгәрешләр кирәк, дип белдерде.

    «Илнең төп документына кертеләчәк төзәтүләргә килгәндә, барысын да хуплыйм. Чөнки үзгәрешләр булып торырга тиеш ул. Ир белән хатын никахын саклау, гаиләләрдә балаларның рухи, әхлакый һәм физик үсешенә йогынты ясый, аларда ватанпәрвәрлек тәрбияли торган шартлар тудыру аеруча мөһим. Чит илләрдә яшәүче милләттәшләребезгә дә теләктәшлек итү кирәк. Шулай ук волонтерларга кагылышлы үзгәрешләргә дә карашым уңай», - диде ул.

    Исегезгә төшерәбез, тавыш бирү 1 июльгә кадәр дәвам итәчәк – бу көнне участоклар 8дән 20 сәгатькә кадәр эшләячәк.

    Фото: Алсу Гатауллина/ «Хезмәт даны»

    «Кукмор Татарстан» Telegram-каналга язылыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: