Байлангарда сугышчы-интернационалистларны бер минут тынлык белән искә алдылар

Байлангар авылында сугышчы-интернационалистларга куелган һәйкәл янында совет гаскәрләренең Әфганстаннан чыгарылу көненә багышланган митинг булды.
Анда район Башкарма комитеты җитәкчесе Азат Гарифуллин, район хәрби комиссары Равил Гафиев, ветераннар советы рәисе Валентин Иванов, сугышчы-интернационалистлар советы рәисе Рәшит Шакирҗанов, әфганчылар, мәктәп укучылары, авыл халкы катнашты.

Вафат булган сугыш хәрәкәтләрендә катнашучыларны бер минут тынлык белән искә алдылар һәм һәйкәлгә веноклар куйдылар. Аннары мәктәп укучылары өчен Әфган ветераннары белән очрашу оештырылды.

Минзәлия Әгълиуллина,

Байлангар мәдәният йорты директоры