Хезмәт даны
  • Рус Тат
  • Кукмара өченче урта мәктәбе укытучылары киез итек-киез комбинатының эшчәнлеге белән танышты

    Шушы көннәрдә укытучылар коллективы белән Кукмара киез итек-киез комбинатына экскурсиягә барып кайттык әле. Анда безне көләч йөз белән фабрика җитәкчесе Шамил Әхмәтшин каршы алды. 3сәгать буена сузылган әлеге экскурсия бездә җылы тәэсирләр калдырды. Үз эшен нык яратып башкаручы җитәкче бертуктаусыз һәр цех, андагы станоклар, башкарган хезмәтләре, эшчеләре турында яратып сөйләде....

    Шушы көннәрдә укытучылар коллективы белән Кукмара киез итек-киез комбинатына экскурсиягә барып кайттык әле. Анда безне көләч йөз белән фабрика җитәкчесе Шамил Әхмәтшин каршы алды. 3сәгать буена сузылган әлеге экскурсия бездә җылы тәэсирләр калдырды.

    Үз эшен нык яратып башкаручы җитәкче бертуктаусыз һәр цех, андагы станоклар, башкарган хезмәтләре, эшчеләре турында яратып сөйләде. Салкын кышларда безне җылытучы әлеге итекләр җитәкченең һәм андагы эшчеләрнең күңел җылысы белән башкарылган зур хезмәт җимеше икән бит! Цехларда йөргәндә шунысы ачык күренде: җитәкче һәр эшнең ничек башкарылуы, станокларның эшләү тәртибе, тарихы һәм коллективы турында хәбәрдар.

    Фабрикада эш билгеле тәртипкә салынган, эшчәнлек өчен уңайлыклар тудырылган, кул хезмәте мөмкин кадәр механикага алыштырылган. Замана үзгәрешләре дә фабриканы читләтеп үтмәгән: төрле илләрдән станоклар кайтарылган, хәтта кайберләрен үзләре үк ясаганнар һәм алар ил күләмендә бердәнбер. Итекләргә көннән-көн ихтыяҗ артып торуын күздә тотып, җитештерүчәнлек күләме дә арта. Тик фабрика бер урында гына тукталып тормый. Итек фабрикасы дип аталса да, анда җитештерелгән продукцияләрнең дә исемлеге артканнан-арта. Әйтик, фабрика матур-матур итекләр, башмаклар, киезләр җитештерү белән беррәттән, тегү цехы да булдырган. Анда урын-җир кирәк-яраклары, одеяллар, матраслар, йокы капчыклары да тегәләр.

    -Кулланучыларның шәхси заказларын да башкарабыз.

    Аларның теләк - ихтыяҗларын исәпкә алып эшлибез, - ди җитәкче.

    Коллектив белән җитәкче арасындагы җылы мөнәсәбәт тә әллә каян сизелеп тора.

    Шамил Михәйдәр улы үз коллективына гына түгел, безгә, укытучыларга, карата да үзенең җылы мөнәсәбәтен белдерде. Аның белән булган әңгәмәдән мәктәп, укучылар һәм укытучылар тормышына да битараф булмавы да нык сизелә.

    Әлеге экскурсия безнең күз алдыбызга бөтенләй икенче киез итек фабрикасы дөньясын күрергә, андагы эшчеләр һәм җитәкченең авыр хезмәте турында да аңларга ярдәм итте. Көнебез күңелле һәм файдалы үтте.

    Экскурсиябез заманча бизәлешле, уңайлы ашханәдә табын артында тәмамланды. Анда эшләүче пешекчеләрнең ачык йөзе, тәмле ризыклары бу көнебезгә тагын да ямь өстәде.

    Булдыклы, үз эшен кагазьдә генә күзалламаучы, эшчеләре белән тыгыз элемтәдә торган, кешелекле, замана белән янәшә атлап яңалыкка омтылучы фабрика эшчәнлегенең бөтен нечкәлекләрен аңлап, үз эшен яратып башкаручы җитәкче Шамил Михәйдәр улы белән әлеге коллектив тагын да югары үрләр яулар дип ышанабыз һәм аларның башкарган хезмәт җимешләре белән горурланабыз.

    Нравится
    Поделиться:
    Реклама
    Комментарии (0)
    Реклама
    • 19 апрель 2018 - 09:48
      Ике сәгать көткәч, балаларның җыр-биюгә теләкләре дә калмады Күптән түгел мәктәпкәчә яшьтәге балалар катнашында ижади концерт оештырылды.
      427
      0
      2
    • 18 апрель 2018 - 15:06
      Мәгънәсез сүз сөйләшмик Ничә яшьтә дә әни бик кадерле, аны бер дә югалтасы килми. Аллаһы Тәгалә күпме гомер биргән бит: кемдер балачакта ук, кемдер урта яшьләрдә вафат була, кемдер бу дөньядан тирән картлыгын кичергәч кенә китеп бара.
      281
      0
      1
    • 13 апрель 2018 - 12:51
      Якташларым белән горурланам Райондашларым кайсы гына тармакта хезмәт куйсалар да, үз эшләрен җиренә җиткереп башкаралар
      262
      0
      1
    • 12 апрель 2018 - 11:28
      Хаксызга кеше рәнҗетмик Үзара салым хисабына авылларда күпме эшләр башкарылганы һәркемнең күз алдында. Динебез кешегә нахак сүз әйтергә кушмый, азрак сабыр булсак, сүзебезне үлчәп сөйләсәк иде
      359
      0
      2
    • Кукмарада әти-әниләр бердәм республика имтиханы тапшырдылар
    • Кукмарада прокуратура һәм гадәттән тыш хәлләр оешмалары тикшерүгә чыкты
    • Кукмарада балалар командалары арасында хоккей буенча төбәкара ярышларның ачылу тантанасы
    • “Үрәсбаш” ярдәмче хуҗалыгында семинар булды
    • Кукмара районында үткән халык җыеннарында Римма Ратникова катнашты
    • Кукмара хоккееның 50 еллыгы уңаеннан шайбалы хоккей буенча турнир
    • Сез эшне ничек эзлисез?
      20 кеше тавыш бирде
    Ночной режим