Шакирова Нурия Гаян кызыны һәм Шакиров Наил Шакир улыны котлыйбыз!

Битләнгер авылында яшәүче кадерле әниебез Шакирова Нурия Гаян кызы – 4 декабрьдә,  кадерле әтиебез Шакиров Наил Шакир улы гыйнвар аенда гомер бәйрәмнәрен билгеләп үтәләр.

Кадерлеләребез безнең! Сезне ихлас күңелебездән бәйрәмнәрегез белән котлыйбыз. Безне кадерләп үстереп, үз юлыбызны табарга булышканыгыз, акыллы киңәшләрегез, шатлык-сөенечләр китерә торган хәер-догаларыгыз өчен чиксез рәхмәт сезгә.

Алдагы көннәрегездә сау-сәламәт, пар канатлы булып, балаларыгызның игелекләрен күреп, оныкларыгызның уңышларына сөенеп, туганнарыгызның хөрмәтен тоеп, кадер-хөрмәттә, хәерле, бәрәкәтле, бәхетле озын гомер кичереп яшәвегезне телибез.

Без телибез сезгә озын гомер,
Шатлыкларның иң-иң олысын,
Көннәрнең дә бәхетлесен генә,
Ә гомернең якты, нурлысын.
Җирдә кояш нуры балкыгандай,
Сез балкыйсыз безнең күңелдә.
Тормышыбыз сезнең белән матур,
Рәхмәтлебез сезгә гомергә.

Изге теләкләр белән балаларыгыз, оныкларыгыз, оныкчыгыгыз.