Һәйкәл булырлык объектларны төзекләндерәсе иде

Мин тарих, үткәнебез белән кызыксынам. Шунлыктан музейларга еш йөрим. Безнең Кукмарада да тарихи һәйкәл булырлык объектлар бик күп. Ләкин, минемчә, аларның күбесе тыштан ялтырый, эчтән - калтырый. Бездә ни өчен булганны матур итеп төзекләндереп, архитектура корылмасына әйләндерә белмиләр икән? Шәһәрнең Ворошилов урамындагы элеккеге Комаровлар йорты да тарихи-мәдәни кыйммәткә ия. Күптән түгел анда килеп чыккан янгын гына бик начар булды. Аны төзекләндерәсе иде. Шәһәрнең тарихи йөзен саклау киләчәк буын өчен аеруча мөһим.

Раил