Кукмарада ялган аракыга юл юк

Район эчке эшләр бүлегеннән алынган мәгълүматларга караганда, ел башыннан бүгенге көнгә кадәр район территориясендә алкоголь продукциясенең законсыз әйләнеше белән бәйле булган 17 хокук бозу очрагы ачыкланган, 195 литр алкоголь һәм спиртлы эчемлек алынган, гаепле затлар җаваплылыкка тартылган. "Россия Җинаятьләр Кодексының 238 маддәсе, 1 бүлеге буенча (куркынычсызлык таләпләренә җавап бирмәүче продукция җитештерү һәм сату) 1 җинаять эше кузгатылды", - дип хәбәр итте Россия Эчке эшләр министрлыгының Кукмара районы буенча бүлегенең өлкән оперуполномоченные Сергей Пахомов.