Кукмарада сәүдә нокталары ЕГАИСка тоташып бетте

Татарстан Дәүләт алкоголь инспекциясенең Арча территориаль органы контроль-ревизия бүлегеннән алынган мәгълүматларга караганда, районда спиртлы эчемлек сатуга лицензиясе булган 161 сәүдә ноктасы бар. Шуларның 43е - бистәбездә, калганнары - авыл җирлекләрендә. Поселоктагы сәүдә нокталары агымдагы елның 1 гыйнварыннан аракы сатып алуны раслау өчен бердәм дәүләт автоматлаштырылган мәгълүмати системасына (ЕГАИС) тоташтырылып бетте. Быелның 1 июленнән башлап, поселоктагы кибетләр ЕГАИС системасына күпләп сатып алынган алкоголь продукциясе генә түгел, ә сатылган һәр шешә турында да мәгълүмат урнаштырырга тиешләр.