Кияүгә чыксам, пенсия түләү тукталачакмы?

- Мин көллияттә көндезге бүлектә укыйм. Әтием вафат булганлыктан, туйдыручыны югалту буенча пенсия алам. Тиздән минем туем. Кияүгә чыксам, пенсия түләү тукталачакмы?

Илүзә ХАҖИЕВА

 - “Иминият пенсияләре турында”гы 400 санлы законда туйдыручысын югалту буенча пенсия алучыларның пенсиясен гаилә кору сәбәпле чикләүләр каралмаган.  Икенче төрле әйткәндә, көндезге бүлектә укыганда сезгә 23 яшькә кадәр пенсия түләнәчәк.
Әмма паспорттагы мәгълүматлар яки фамилиягез үзгәргән очракта тиешле гариза бирү өчен сезгә Пенсия фондына мөрәҗәгать итәргә туры киләчәк. Үзегез белән паспорт һәм никахны теркәү турындагы таныклык булырга тиеш.