Татарстанда коронавирус белән зарарлануның 40 яңа очрагы ачыкланган

Татарстанда соңгы тәүлектә Covid-19 белән зарарлануның 40 яңа очрагы расланган. Бу хакта «Татар-информ» мәгълүмат агентлыгына коронавирус буенча оператив штаб хәбәр итә.

Инфекция йоктырган 10 кеше хастаханәгә озатылган, калган 30 кеше өендә дәвалана.

Авыручыларның күбесе Казан шәһәрендә – 22, Яр Чаллыда – 6, Питрәч районында – 3, Биектау районында - 2, Арча, Кама Тамагы, Лаеш, Лениногроск, Тукай районнарында – берәр очрак.

Татарстанда бүгенге көнгә кадәр барлыгы Covid-19ның 4350 очрагы расланган, 3163 кеше савыккан.

фото: «Татар-информ»