“Шәфкать"тә гаилә көненә багышланган чара үткәрелде

“Шәфкать” тернәкләндерү үзәгендә “Нык гаилә” проекты кысаларында, район китапханәсе белән берлектә, халыкара гаилә көненә багышланган чара үткәрелде. Китапханәчеләр төрле бәйгеләр, викториналар әзерләгәннәр иде, балалар аларда теләп катнаштылар. Шулай ук һәр балага үз гаиләсенең рәсемен ясау тәкъдим ителде. Иң яхшы эш авторларына истәлек бүләкләре тапшырылды.

- Мондый чаралар балаларга гаилә кыймәтләрен аңларга, якыннарына карата игътибар һәм җаваплылык тәрбияләргә ярдәм итә, - ди социаль педагог Наилә Турова.