Махсус хәрби операциядә гомере өзелгән райондашыбызны Кәчимир авылында соңгы юлга озаттылар

Бүген Кукмара районының Кәчимир авылында мотоукчылар взводы атучысы, гвардия рядовое Борковских Игорь Николаевичны соңгы юлга озаттылар. Ул килешү нигезендә хезмәт иткән була. 

Игорь Николаевич махсус хәрби операция зонасында хәрби бурычын үтәгәндә батырларча һәлак була. 

Матәм-митингта район Башкарма комитеты җитәкчесе Азат Гарифуллин һәм башкалар катнашты.

«Игорь Николаевичның әнисе, якыннарының тирән кайгыларын уртаклашам. Үзләренең гомерләрен биргән егетләр илебезнең, районның патриоты, герой булып мәңгелеккә күңелләребезгә кереп калачак», — диде Азат Гарифуллин.

Хәрби белән саубуллашырга, аның әнисе, якыннарының авыр хәсрәтләрен уртаклашырга бик күп халык җыелган иде.

Махсус хәрби операция зонасында хәрби бурычын үтәгәндә батырларча һәлак булган Борковских Игорь Николаевичка һәлак булганнан соң «Батырлык» ордены бирелә. Бүләкне әнисе Асия ханымга тапшырылар. Хәрби Кәчимир авылы зиратында җирләнде.

фото: Алсу Сәләхетдинова/ «Кукмор-информ»