Кукмараның Королев урамындагы янгын чыккан йорттан бер кешене коткардылар
Янгын Королев урамындагы 7нче йортның бишенче катында урнашкан фатирларның берсендә була.
Кукмараның Королев урамындагы янгын чыккан йорттан бер кешене коткарганнар. Бу хакта Кукмара районының 117нче янгын-коткару часте хәбәр итә.
Бүген 14.13 сәгатьтә 117нче янгын-коткару частеның элемтә пунктына Королев урамындагы 7нче номерлы йортның бишенче катында фатир януы турында хәбәр килеп ирешә.
Янгын сүндерүчеләр килеп җиткәндә фатир балконыннан куе төтен чыга һәм анда ярдәм сораучы кеше була. Аны автолестница ярдәмендә коткаралар.
Янгын нәтиҗәсендә 20 квадрат метр мәйданда фатирның залындагы диван, шкаф һәм урын-җир кирәк-яраклары кара күмергә әйләнә.
фото: янгын-коткару часте
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Нет комментариев