Кукмаралылар агач утырту акциясенә кушылды
Утырту өчен ясмин, груша, алмагач, миләш, ак дерн, кызыл шомырт үсентеләре сайлап алынган иде.
Бүген район башлыгы Сергей Димитриев, район Башкарма комитеты җитәкчесе Азат Гарифуллин, шәһәр башкарма комитеты җитәкчесе Виталий Андреев, район ветераннар Советы җитәкчесе Валентин Иванов һәм башкалар шәһәрнең Гафиятуллин 1 микрорайоны ишегалдында, Гафиятуллин урамы 8нче йорт каршында, “Яшьлек” спорт паркында агач үсентеләре утыртты. Аларга Кукмара өченче урта мәктәбенең 7-8нче сыйныф укучылары, яшьармиячеләре дә кушылды.
Утырту өчен ясмин, груша, алмагач, миләш, ак дерн, кызыл шомырт үсентеләре сайлап алынган иде.
-Агач күп булган саен, тирә-юнебез дә ямьлерәк күренә, сулар һавабыз яхшы була, кәеф тә яхшыра. Шуның өчен безгә дә яшелләндерү өлкәсендә тырышып эшләргә кирәк, - диде район башлыгы Сергей Димитриев. - Район халкын агач утырту акциясендә катнашырга, актив булырга, бу изге эшкә балаларны да җәлеп итәргә чакырам.
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Нет комментариев