Кукмарада яшәүче музейга бертуган Комаровлар сәүдә йортының киез итек фабрикасы жетонын бүләк итә

Кукмара туган якны өйрәнү музее фонды уникаль экспонат белән тулыланды. Кукмарада яшәүче Гөлнара Усманова музейга бертуган Комаровлар сәүдә йортының киез итек фабрикасы жетон-биркасын бүләк итте.

«Бүләк итүченең сүзләренчә, жетон Түбән Үрәс авылында бакчага бәрәңге утырткан вакытта табылган. Әлеге кыйммәтле экспонат XIX гасырның икенче яртысына карый. Ул безнең музейда сакланачак», — дип сөйләде музей хезмәткәрләре.

Фото Кукмара туган якны өйрәнү музееннан