Кукмарада яшәүче алимент буенча 1,5 миллион бурычы өчен суд каршына басачак

Кукмара районы прокуратурасы элек тә хөкем ителгәне булган 39 яшьлек ир-атка карата җинаять эше буенча гаепләү актын раслады. Ул балаларны карау өчен акча түләмәүдә гаепләнә.

Эш материаллары буенча, суд карары нигезендә ир-ат 2014 елның июненнән ай саен ике балигъ булмаган баланы карау өчен акча түләргә тиеш булган. Шуңа да карамастан, алимент түләмәгән өчен административ җәзага тартылган гаепләнүче балаларга матди ярдәм күрсәтмәгән. Алимент буенча гомуми бурычы 1,5 млн сумнан артып киткән.

Ир-ат үз гаебен танымады.

Җинаять эше карау өчен Кукмара район судына җибәрелде.