Кукмарада гражданнар оборонасы буенча Бөтенроссия өйрәнүләре узачак

Кукмара районы территориясендә 6 октябрьдә сәгать 10.00дән сәгать 12.00гә кадәр гражданнар оборонасы буенча Бөтенроссия өйрәнүләре узачак. Бу турыда Кукмара районының Гражданнарны яклау идарәсе җитәкчесе Илназ Кәримов хәбәр итте.

«2021 елның 6 октябрендә Россия Федерациясе, Татарстан Республикасы территориясендә, шул исәптән Кукмара муниципаль районында да, башкарма хакимиятнең федераль органнары, Россия Федерациясе субъектларының башкарма хакимияте органнары, җирле үзидарә органнары һәм оешмалар белән гражданнар оборонасы буенча штаб өйрәнүләре үткәрү планлаштырыла», - дип билгеләп үтте Илназ Кәримов.

Аның сүзләренчә, күнегүләр барышында авыл җирлекләрендә, оешмаларда һәм гомуми белем бирү учреждениеләрендә гадәттән тыш хәлләр тематикасы буенча гамәли чаралар үткәрү, Татарстан Республикасы халкына хәбәр итү системасын тикшерү, уку сигналларын идарә органнарына җиткерү, шулай ук абонентларның кәрәзле телефоннарына СМС хәбәрләр юллау планлаштырыла.

«Район халкыннан тынычлык һәм тәртип саклауларын сорыйбыз», - дип мөрәҗәгать итте Илназ Кәримов.

Фото: «Татар-информ» МА