Кукмарада чит кешенең банк картасыннан акча урлаган өчен ир-атны хөкем итәчәкләр

Кукмара районы прокуратурасы 47 яшьлек ир-атка карата гаепләү карарын раслады. Ул банк счетыннан акча урлауда гаепләнә.

Эш материалларына караганда, бу елның 12 мартында гаепләнүче Кукмара шәһәренең Маяковский урамында банк картасы таба, аның белән кибеттән әйберләр сатып ала. Карта хуҗасына килгән зыян 1,8 мең сумнан артыкны тәшкил итә.

Ир-ат гаебен таныды, зыянны тулысынча каплады.

Җинаять эше карау өчен район судына җибәрелде.