Кукмара районында яшәүче хатын-кыз алимент түләүдән баш тарткан өчен гаепле дип табылган

Кукмара районы прокуратурасы 40 яшьлек хатын-кызга карата җинаять эше буенча дәүләт гаепләвен хуплады. Ул, суд карарын бозып, балигъ булмаган балаларын карау өчен җитди сәбәпләрсез акча түләмәүдә гаепләнә.

Суд карары буенча 2023 елның февраленнән әлеге хатын-кыз балигъ булган 3 баласын карау өчен хезмәт хакының 1 ⁄ 2 өлеше күләмендә акча түләргә тиеш була. Шуңа да карамастан, гаепләнүче алимент түләми, балаларга матди ярдәм күрсәтми. Алимент буенча гомуми бурыч 450 мең сумнан артып китә.

Хатын-кыз үз гаебен тулысынча таныды.

Аңа хезмәт хакының 5 процентын дәүләт кеременә тотып калып, 4 ай төзәтү эшләре рәвешендә җәза билгеләгәнде.

Хөкем карары законлы көченә әле кермәде.