Әсән-Елга мәдәният йортында Әхмәт Юнысны искә алу кичәсе булды

Якташ шагыйребез Әхмәт Юнысның тууына 100 ел булу уңаеннан, газетабызның 14 октябрь санында Фоат Галимуллиннның "Кукмараның зур шагыйре" дигән күләмле язмасы бирелгән иде. Ә узган атнада Әсән-Елга мәдәният йортында шушы истәлекле дата уңаеннан "Ул бит шушы җирнең баласы" дигән кичә үткәрелде. Аңа Казан, Яр Чаллы шәһәреннән иҗат әһелләре, шагыйрьнең кияве һәм оныгы да кайткан иде. Кунаклар Әхмәт Юныс турындагы истәлекләре белән уртаклаштылар. Кичә шагыйрь иҗат иткән шигырьләр, район үзешчәннәре башкарган җырлар белән үрелеп барды.