Мәмәширдә иҗат концерты: “Җырланмаган әле безнең җыр”

Чарада 2014 елда китапханә каршында оештырылган "Нур" клубының эшчәнлеге турында хисап тотылды. Иҗат кичәсе татар халык уеннарын халыкка тәкъдим итү белән башланып китте. Өлкәннәребезнең үзләре яратып башкара торган җырлары һәм дәртле биюләре халык тарафыннан бик яратып кабул ителде. Шулай ук алар авыл һәм аның халкына багышлап язылган бик эчтәлекле шигырьләр дә укып үттеләр. Кичәнең кунагы - авылдашыбыз, шагыйрә Рифә Рахман иде. Ул, кичәгебезгә бер ямь өстәп, үзенең шигырьләрен тәкъдим итте.