Кукмараның “Чулпан” балалар бакчасында өлкәннәрне хөрмәтләделәр

"Чулпан" балалар бакчасы мөдире Ландыш Идиятуллинаның тырышлыгы белән ел саен бакчада Өлкәннәр көне билгеләп үтелә. Бәйрәмгә бакчада эшләп лаеклы ялга чыккан хезмәткәрләр чакырыла. Быелгы өлкәннәр белән очрашуга да балалар һәм тәрбиячеләр аеруча тырышып әзерләнде. Бәйрәмне оештыруда татар теле тәрбиячесе Рәфига Зыязетдинова һәм музыка җитәкчесе Розалия Хәкимуллиналарның өлеше аеруча зур булды. Балалар рус һәм татар телләрендә бик матур шигырьләр сөйләделәр, җырладылар. Концерттан соң бәйрәм чәй өстәле артында дәвам итте. Бәйрәмгә килгән өлкәннәр күтәренке кәеф белән таралышты.