Кукмарада Ураза гаете уңаеннан бәйрәм узачак

25 июньдә, сәгать 8.00дән 12.00гә кадәр Кукмара шәһәре Үзәк мәчете янындагы паркта Ураза гаете уңаеннан бәйрәм үткәрелә.

Әлеге чарада, диненә һәм милләтенә карамастан, балалар һәм аларның әти-әниләре катнаша ала.

Үткәрелүче чаралар:

-Балалар өчен кызыклы күңел ачу программасы

-Интеллектуаль һәм иҗади конкурслар, спорт ярышлары

-Күргәзмәләр, мастер-класслар (каратэ-киокусинкай, яулыкны дөрес итеп бәйләү буенча)

-Бәйрәмгә килүчеләр өчен коймак, балалар өчен попкорн, хот-дог, шикәр мамыгы тәкъдим ителәчәк.

Конкурсларда һәм спорт уеннарында катнашкан һәркем бүләксез калмас.

Оештыручылар: Кукмара районы җитәкчелеге ярдәмендә Кукмара мөхтәсибәте