Березнякта яңа су башнясы куйганнар

Березняк авылында яшәүче Рәйханә Шәмсетднова хәбәр итүенчә, авылның югары очында яшәүчеләр җәй көннәрендә суга тилмерә торган булганнар. Ә бу көннәрдә биредә яңа башня сафка баскан. Хәзер су барлык йортларга да көне буе килә икән.

- Бу эштә күп көч куйган авылыбыз җирлеге башлыгы Альбина Сибгатуллина һәм хезмәте кергән барлык кешеләргә зур рәхмәтебезне белдерәбез. Барысына да тазалык-саулык, эшләрендә уңышлар, имин тормыш телибез, - ди югары оч халкы исеменнән Рәйханә Шәмсетдинова.

фото: http://images.yandex.ru/yandsearch