Бер төркем кукмаралылар Сочины күреп кайтты

"Туризм - сәламәтлеккә юл һәм"алтын яшь "волонтерларын таныту" социаль проектын тормышка ашыру кысаларында районыбызның инвалидлар оешмасы һәм "Тылсым" халыкка социаль хезмәт күрсәтү үзәге республика конкурсында җиңү яулады. Грант исәбенә активистлар төркеме һәм проект җитәкчеләре Сочига барып кайттылар. Әлеге сәяхәткә баручылар арасында "Аргамак" инвалидлар спорт командасы вәкилләре: Валентина Борисова, Валерий Николаев, Рәис Шакиров, Мөнир Гыймадиев, аларның тренерлары Дамир Галиәхмәтов, инвалидлар оешмасы җитәкчесе Равил Нигъмәтҗанов та бар иде. Шулай ук "өлкән буын" волонтерлары Римма Әхмәдиева, Нурсагдәт Хәйруллина, Надежда Әхмәдиевалар да сәяхәттән читтә калмады. Сигез көн дәвамында райондашларыбыз Кара диңгез яр буенда ял иттеләр, Сочи, Красная Поляна, Олимпия авылында булдылар, тарихи һәйкәлләр белән таныштылар.

Инна Баһавиева.