Зур Кукмара клубында рәхәтләнеп күңел ачтык

Зур Кукмара мәдәният йортында быел Яңа ел тамашасы аеруча күңелле үтте. Бәйрәмгә авыл халкы да гадәттәгедән күбрәк җыелган иде. Рузилә Зарипова җитәкчелегендәге коллективның иҗади эшләве, бәйрәмне зур җаваплылык тоеп оештыру нәтиҗәсе бу. Моңа сәнгать җитәкчесе Әмир Хәләүтдинов, китапханәче Гөлнур Хаҗиева, җырчы Гөлшат Ризванова, баянчы Илдар Мостафин, биюче Рәшит Бакиров, техник хезмәткәр Фәридә Әхтәмоваларның көчләре кергән. Дүртенче гыйнварда, авылны ямьгә күмеп, урам бәйрәме үткәрелде. Бәйрәмнәрдә һәркем рәхәтләнеп ял итте, күңел ачты.

Сәрия ИСЛАМОВА, Рудник авылы