Журналист ярдәм итте

Район газетасының 10 апрель санында Восточный урамындагы чүп савытын, аның янындагы шапшаклыкны чагылдырган фотосурәт басылып чыккан иде. Мондый ямьсез күренешкә кайчан чик куелыр, дип уйлый идек, чөнки аяк астындагы чүпне җыештырып та, чүп савыты тулы һәм тирә-юньне пычратып тора иде. Лилия Нургалиеваның фотосурәтеннән соң боз кузгалды. Чүп савытын алып, контейнерлар куйгач, тирә-як чүптән арынды, этләр өере дә юкка чыкты. Без журналистка бик рәхмәтле, аңа исәнлек-саулык, эшендә уңышлар теләп калабыз.

Нәкыйп Кәримуллин

фото: http://yandex.ru/clck/jsredir?from=yandex.ru%3Bimages%2Fsearch%3Bimages%3B%3B&text=&etext=745.JjamNX-