Баганада ут янмый

Тимер юл вокзалы турысыннан Манзарас авылын Кукмара белән тоташтырып торучы чишмә һәм күпер бар. Электричкага баручы яки кайтучы яшьләр тау астындагы шул күпер аша йөриләр. Аның якын-тирәсен яктыртып торучы ут баганасының лампочкасы янып чыкканга шактый вакыт үтте инде, әмма алыштырып куючы юк. Хәзер иртә караңгылана, пычрак, яңгырлы көннәрдә бигрәк тә уңайсыз бит. Алай гына да түгел, куркыныч та. Күңелсез хәлләр дә килеп чыкмас дип әйтеп булмый, шуңа күрә саклану чарасын бүгеннән күрсеннәр иде.

Габбас ГАТАУЛЛИН, Манзарас