Хезмәт даны
  • Рус Тат
  • Кукмара районында ел башыннан 22 юл-транспорт һәлакәте булган

    Юл йөрү кагыйдәләрен бозуның 206 очрагы ачыкланды.

    Кукмара районында ел башыннан 22 юл-транспорт һәлакәте булды. Бу турыда район эчке эшләр бүлеге начальнигы Рамил Нургалиев сөйләде.

    «Ел башыннан 22 юл-транспорт һәлакәте булды. Фаҗигаләрнең күбесе һава торышы белән бәйле иде. Шулай ук бәла-казаларга китергән төп сәбәпләр – тиешле тизлекне сакламау, шоферларның бер-берсенә юл бирмәве, урам чатларын үткәндә тиешле кагыйдәләрне үтәмәү. Бәхеткә каршы, үлем-җитемнәр һәм авыр тән җәрәхәтләре алучылар булмады. Юл йөрү кагыйдәләрен бозуның 206 очрагы ачыкланып, беркетмәләр төзелде. Биш шофер исерткеч эчемлекләр кулланып рульгә утырганы өчен җәзага тартылды. Аларга штраф түләргә һәм билгеле бер вакытка автомобиль йөртү турында онытырга туры киләчәк», - диде ул.

    Реклама

    Искә төшерәбез, 2021 елда район территориясендә 27 юл-транспорт һәлакате теркәлгән, аларда 3 кеше һәлак булган һәм 33 кеше тән җәрәхәтләре алган.

    фото: архив/ kukmor-rt.ru
     

    «Кукмор Татарстан» Telegram-каналга язылыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: